Ekskursiya uyushtirildi.
15.12.20172017 yil 15 dekabr kuni Muhammad al-Xorazmiy nomidagi Toshkent axborot texnologiyalari universiteti huzuridagi pedagog kadrlarni qayta tayyorlash va ularning malakasini oshirish tarmoq markazi tinglovchilari uchun tarmoq markazi tomonidan Alisher Navoiy nomidagi milliy kutubxonasi bo‘ylab tanishtiruvchi ekskursiya tashkil etildi. Kutubxona bo‘ylab tashkil qilingan ekskursiya chog‘ida tinlovchilar kitob muzeyi, ko‘rgazmalar, multimediya va elektron zallarni ko‘zdan kechirdilar. O‘qish zallarini aylanib chiqar ekan, u yerdagi zamonaviy multimediya uskunalari bilan jihozlangan maxsus zallarni tomosha qildilar, onlayn-resurslar va audio-resurslar bazasi bilan tanishtiruvchi kioskalar bilan qiziqdilar. Ekskursiya samimiy ruhda o`tkazildi va tinglovchilar o`zlarining qiziqtirgan savollariga javob oldilar hamda fikr almashdilar.