2023 yilning 27-sentyabr kuni Muhammad al-Xorazmiy nomidagi Toshkent axborot texnologiyalari universiteti huzuridagi pedagog kadrlarni qayta tayyorlash va ularning malakasini oshirish tarmoq markazi “Axborot tizimlari va texnologiyalari” va “Kompyuter injiniringi” yoʻnalishi tinglovchilari uchun Oʼzbekiston Yozuvchilar uyushmasi aʼzosi, xalqimizning sevimli shoiri Shukur Qurbon bilan “Ustoz va murabbiylar kuni” mavzusida davra suhbati tashkil etildi. Suhbat doirasida Yangi Oʼzbekistonimizda tinchlik va barqarorlikni mustahkamlashda, erkin va farovon yurtda barkamol avlodni tarbiyalab, jamiyatdagi bunyodkorlik ishlarida faollik, fidoyilik koʼrsatayotgan zahmatkash, ilm ahli Ustozlarga bagʼishlab yozilgan sheʼriy asarlar muallif tomonidan taqdim etildi.